Ревматолог

Анагаахын мэргэжилтнүүдийн онолын мэдлэгээ дээшлүүлж, клиник сэтгэлгээгээ хөгжүүлэх платформ

Medcase

<h3>18 настай эрэгтэй, халуурна, 2 өвдөг, тохойгоор байсхийгээд өвдөнө гэнэ. Түүний баруун өвдөг үзүүлэхээс 7 хоногийн өмнө 1 өдөр хавдаж улайсан.Үзлэгээр бага зэргийн халуунтай. Зүрхний орой хэсэгт суга руу дамжсан систолийн 3/6 өндөр давтамжтай шуугиан, уг хэсэгт диастолийн дунд хэсгийн зөөлөн шуугиан сонсогдоно. Гарын ар талын шөрмөсөн дээр эмзэглэлтэй зангилаа тэмтрэгдэнэ. Хэвлийгээр улаан өнгийн тууралт гарсан. Зарим нь голоосоо эдгэж байгаа гэхээр.</h3><h3>Лабораторийн шинжилгээнд: HCT: 42% WBC: 12,000/µL үүнд 80% нь олон төрлийн бөөмт лейкоцит, 20% нь лейкоцит ,ESR: 60 mm/h. ЗЦБ-ийг хавсаргав.Онош тодруулахад хамгийн чухал шинжилгээ аль нь вэ?</h3><h3>A. Цусны ариун чанар</h3><h3>B. Антистрептолизин О эсрэг бие (ASO)</h3><h3>C. Эхокардиограмм</h3><h3>D. Бөөмийн эсрэг ауто эсрэгбие (ANA)</h3><h3>E. Креатин киназ (CrK)</h3><h3><img src="https://cdn.zochil.shop/b83e82d7-ad98-47f6-8ce0-b51bc38f97d3_t500.jpg"></h3><h3>Зөв хариулт В</h3><h3>Энэ 18 настай залууд хэрх өвчний шинж тэмдэгүүд илэрсэн байна. Хэрхийг Жонсийн шалгуураар үнэлдэг. Ойрын үед стрептококын халдвар авсан түүх түүн дээр нэмээд 2 гол шалгуур эсвэл 1 гол 2 туслах шалгуур бүрдэж байвал цочмог хэрх өвчин гэж оношлоно. Гол шалгуурт кардит, полиартрит, хорей, тойрог хэлбэрийн улаан тууралт, арьсан доорх зангилаа орно. Туслах шалгуурт халуурах, полиартралги, улаан эсийн тунах хурд (ESR) ихсэх, ЗЦБ-т PR уртсах хамаарна. Энэ өвчтөнд артрит, халуурах, зүрхний шуугиан (митрал хавхлагын дутагдлын) зэрэг эмнэлзүйн шинжүүд илэрсэн. Дээр нь тойрог хэлбэрийн улаан тууралт, арьсан доорх зангилаа үүссэн байна. Хэрхийн арьсан доорх зангилаа нь вандуйн хэмжээтэй, ихэнхдээ үе нугалдаг булчингийн шөрмөс дагаж гардаг.Тууралт нь улаан өнгийн тойрог хэлбэрийн, голдоо цэвэр, ирмэг нь жигд онцлогтой.Лабораторийн шинжилгээнд улаан эсийн тунах хурд ихсэнэ. ЗЦБ-т I зэргийн AV зангилааны хориг гарч болно. ASO бол энэ шинж тэмдэг илрэхээс өмнө стрептококкийн халдвар авсан эсэхийг мэдхэд хэрэгтэй шинжилгээ. Эндокардит(тиймээс цусны ариун чанар, эхокардиограм заавал хийхийг зөвлөдөг)-ийн үед халуурах, үений зовиурууд илрэх, арьсан доорх зангилаа илэрч болох боловч диастолийн шуугиан эсвэл арьсны өвөрмөц тууралт нь түүнтэй хамааралгүй. Чонон хөрвөс , зүрхний шигдээс гэж сэжиглэхээр өөр шинж алга.</h3>

Эмнэлзүйн тохиолдол 33

<h3 class="ql-align-justify">82 настай эмэгтэй, нуруугаар бага зэрэг өвдөнө гэсэн зовууртай ба хэд хоногийн өмнө гэртээ угаалгын өрөөндөө халтирч унасан өгүүлэмжтэй. Жилийн өмнө гэрийнхээ гадаа бүдэрч унаад баруун гарын бугуйн хугарал авч байсан.</h3><h3 class="ql-align-justify">Артерийн даралт ихсэх өвчин, улаан хоолойн сөөргөө, нойргүйдэл болон сэтгэл гутрал зэрэг ( 7 жилийн өмнө нөхөр нь нас барсан) хавсарсан эмгэгтэй. Тогтмол амлодипин, сертралин, лоразепам болон мултивитамин уудаг. Хорт зуршилгүй, түүний ээж нь ясны хугарал авч байгаагүй ба аав нь артерийн даралт ихсэх өвчинтэй байсан.</h3><h3 class="ql-align-justify">Үзлэгт: өндөр 155 см, жин 54,5 кг, артерийн даралт 125/80 мм муб,</h3><h3 class="ql-align-justify">Нурууны үений хөдөлгөөн бага зэрэг хязгаарлагдсан, нуруу бага зэрэг кифоз өөрчлөлттэй.</h3><h3 class="ql-align-justify">Гарын түшлэггүйгээр сандалнаас босож чаддаггүй, алхахаасаа өмнө өөрийгөө тогтворжуулах шаардлагатай. Бусад эрхтэн тогтолцоонд өөрчлөлтгүй. Лабораторын шинжилгээгээр өөрчлөлт илрээгүй байна.</h3><h3 class="ql-align-justify">Цаашид авах арга хэмжээнээс оновчтойг нь сонгоно уу?</h3><h3 class="ql-align-justify">А. Рентген денситометрийн шинжилгээгээр ясны сийрэгжилт илэрсэн тохиолдолд алендроны хүчил буюу бифосфонатыг ууж хэрэглэх, кальци витамин Д нэмэлтээр уух</h3><h3 class="ql-align-justify">В. Нурууны рентген зураг авч хугарал байгаа эсэхийг илрүүлэх, золендроны хүчил буюу бифосфонатыг судсаар тарих, кальци витамин Д хавсарч хэрэглэх</h3><h3 class="ql-align-justify">С. Ууж буй эмийн эмчилгээг үргэлжлүүлэн нэмэлтээр кальци, витамин Д уулгах</h3><h3 class="ql-align-justify">D. Frax -ийн 10 жил дотор ясны хугарал авах эрсдэлийг үнэлэн зөвхөн кальци ууж хэрэглэх</h3><h3 class="ql-align-justify"><br></h3><h3 class="ql-align-justify">Зөв хариулт: B</h3><h3 class="ql-align-justify"><br></h3><h3 class="ql-align-justify">50-аас дээш насанд нурууны хугарал авсан тохиолдолд ясны нягтрал тодорхойлох денситометрийн шинжилгээ хийгдээгүй ч ясны сийрэгжилтийн шинж тэмдэг байна гэж үздэг.</h3><h3 class="ql-align-justify">Нэг нугаламд хугарал авсан бол цаашид давтан хугарал авах эрсдэл 5 дахин нэмэгддэг. Харамсалтай нь нугаламын хугаралын үед шинж тэмдэг бүдэг эсвэл огт шинж тэмдэггүй байж болдог учир зарим тохиолдолд олон жилийн турш оношлогдохгуй байх нь түгээмэл байдаг.</h3><h3 class="ql-align-justify">Рентген зураг нь нурууны нугаламын хугарал илрүүлэх алтан стандарт шинжилгээ юм.</h3><h3 class="ql-align-justify">Денситомери DXA- бүсэлхийн нуруу болон түнхний ясны нягтаршил тодорхойлох шинжилгээ нь ясны сийрэгжил оношийг батлах, хугарлын эрсдэлийг тооцох болон эмчилгээний үр дүнг хянахад ач холбогдолтой.</h3><h3 class="ql-align-justify">FRAX нь 10 жилийн дотор ясны хугарал авах эрсдэлийг үнэлдэг шалгуур бөгөөд өмнө ясны сийрэгжилтийн эсрэг эмчилгээ хийлгэж байгаагүй 40-90 насны бүх хүмүүсийг үнэлэх боломжтой. http://www. <a href="https://l.facebook.com/l.php?u=http%3A%2F%2Fsheffield.ac.uk%2FFRAX%3Ffbclid%3DIwAR2epibaBAySxhqUIHeweYnJ4rWe4UEl68qNKKY711lS-LM_4xLGQd_vZQU&amp;h=AT1GEtNkxCkfk5sybFB8fd8zJYsbhi7ppFb6D82XfcEwSqqKTY9cClqvqNbv4N8N5OMjyBMOBzMiNSKmHnf-VYNnvGMDGCzQ2aUwb36YC9hdAYLZSUEso2MaSYiamAkS2cLK&amp;__tn__=-UK-R&amp;c[0]=AT3XBTRt2kknVTy9oRq6O9ca9cgVFf-LFaO5xWHeiYC4wp8B9RpBLPS697og3LpswI5regkc9G6JQCJjR-N04Lwy6a8jnySfSZ-001NofuhiB3pFbFTtKrjQqU7oeZ_zu21MlamIasUsvTKHRhR77_dSf6vE-OsVCUxvZLhsrvsNOPFY_G3S5wqhYIiUaIW-hSh9_ScVTx2v" rel="noopener noreferrer" target="_blank" style="color: var(--blue-link);">sheffield.ac.uk/FRAX</a>.</h3><h3 class="ql-align-justify">Кальцийг 19-50 насны эмэгтэйчүүд болон 19-70 насны эрэгтэйчүүдэд өдөрт 1000 мг, 51 ба түүнээс дээш насны эмэгтэйчүүд болон 71 ба түүнээс дээш насны эрэгтэйчүүд өдөрт 1200 мг уухыг зөвлөдөг.</h3><h3 class="ql-align-justify">Д аминдэмийн дутагдалтай тохиолдолд ийлдэс дэх 25(OH)D-ийн түвшинг ойролцоогоор 30 нг/мл (75 нмоль/л) түвшинд барих ба эмчилгээнд 50,000 нэгж витамин D2 эсвэл витамин D3 долоо хоногт нэг удаа 5-8 долоо хоногийн турш хэрэглэнэ.</h3><h3 class="ql-align-justify">Цаашид зорилтот түвшинг хадгалахын тулд өдөрт 1000-2000 нэгж тунгаар уух шаардлагатай.</h3><h3 class="ql-align-justify">Бифосфонат, алендронат натрийг цэвэршилтийн дараах ясны сийрэгжилт болон ясны сийрэгжилтээс урьдчилан сэргийлэх зорилгоор хэрэглэнэ. Өмнө нь ясны хугарал авч байсан бол 3 жилийн дотор дахин хугарах эрсдэлийг 50 хувиар бууруулдаг байна.</h3><h3 class="ql-align-justify">Алендроны хүчлийг эмчилгээний зорилгоор 70 мг тунгаар 7 хоног 1 удаа өглөө өлөн үед усаар даруулж уух ба 30 мин турш босоо байрлалтай байхыг зөвлөдөг.</h3><h3 class="ql-align-justify">Гаж нөлөө болон аюулгүй байдлын хувьд хоол боловсруулах талаас залгихад хүндрэлтэй байх, улаан хоолойн үрэвсэл, хэвлийн өвдөлт зэрэг илэрдэг тул хоол боловсруулах замын эмгэгтэй хүнд болгоомжтой хэрэглэхийг зөвлөнө.</h3><h3 class="ql-align-justify">Золендроны хүчлийг цэвэршилтийн дараах ясны сийрэгжилтээс урьдчилан сэргийлэх болон эмчилгээний зорилгоор хэрэглэнэ. Давтан нурууны нугаламын хугарал авах эрсдэлийг 55 хувиар бууруулдаг байна. Золендроны хүчлийг эмчилгээний зорилгоор 100 мл-т 5мг аар судсаар 15-30 минутын турш жилд 1 удаа тарьж хэрэглэдэг. Эмчилгээний явцад томуу төст шинж тэмдэг илрэх бөгөөд үүнээс урьдчилан сэргийлэх зорилгоор 2 стакан ус болон ацетаменофен уухыг зөвлөдөг.</h3><h3 class="ql-align-justify">Бифосфонатыг хэрэглэхийн өмнө кальци болон Д витамины дутагдлыг нөхөх шаардлагатай ба бөөрний түүдгэнцэрийн хурд 35 мл/мин ба түүнээс бага бол эсрэг заалттай.</h3><p class="ql-align-justify"><img src="https://cdn.zochil.shop/8c4cef42-b76b-4ef4-b4cd-f72328c78fce_t500.png"></p>

Эмнэлзүйн тохиолдол 30

<h2>Хэрэх өвчин (rheumatic fever)-ий шалтгаан аль нь вэ?</h2><h2>А. Халдварын шалтгаантай</h2><h2>В. Дархлааны шалтгаантай</h2><h2>С. Халдвар дархлааны шалтгаан хоёул</h2><p><br></p><h3>Зөв хариулт: С</h3><h3><br></h3><h3>Хэрэх өвчин нь залгиурын стрептококкын халдвар авснаар эхэлдэг. Үүний дараагаар стрептококк пиогенээр үүсгэгдсэн М уургууд болон зүрхний миозин, ламинины хооронд молекулын андуурлын үр дүнд үүсдэг дархлааны хариу урвалаар үргэлжилдэг. Ингэснээр зүрхийг гэмтээдэг.</h3>

Асуулт & хариулт 12

<h3 class="ql-align-justify">58 настай эмэгтэй, баруун мөрний үеэр өвдөнө гэсэн зовууртай. тэрээр өмнө ь ямар нэгэн гэмтэл бэртэл авч байгаагүй ба сүүлийн хэдэн сар илүү хүчтэй өвдөх болсон гэнэ. өмнө нь хэд хэдэн удаа баруун мөрний бурситээр өвдсөн ба үрэвслийн эсрэг дааврын бус эм болон дааврын тарилга зэрэг эмчилгээ үр дүнтэй байсан өгүүлэмжтэй. чихрийн шижин өвчтэй ба тогтмол метформин болон глибурид уудаг.</h3><h3 class="ql-align-justify">Үзлэгт: баруун мөр хавдаагүй тэмтрэлтээр эмзэглэлтэй байв. баруун мөрний нугалах, тэнийлгэх болон гадагшлуулах идэвхтэй болон идэвхгүй хөдөлгөөний далайц хязгаарладгсан.</h3><h3 class="ql-align-justify">Баруун мөрний рентген зураг: остеопени илэрсэн ба эрози болон остеофит зэрэг өөрчлөлтүүд илрээгүй.</h3><p class="ql-align-justify"><br></p><h3 class="ql-align-justify">Байж болох магадлалтай онош сонгоно уу?</h3><h3>А. Адгезив капсулит</h3><h3>В. Судасгүй некроз</h3><h3>С. Хоёр толгойт булчингийн тендинит</h3><h3>D. Остеоартрит</h3><h3>Е. Эргүүлэх манжетын урагдал</h3><h3><br></h3><h3>Зөв хариулт: А</h3><h3 class="ql-align-justify">Адгезив капсулит нь мөрний үений өвдөлт болон хөдөлгөөний хязгаарлалтаар илэрдэг.</h3><h3 class="ql-align-justify">Мөрний үений бусад эмгэг үгүйсгэсэн тохиолдолд, чихрийн шижин, зүрх судас болон уушгины архаг өвчин, гипо болон гипертиреоз зэрэг архаг суурь эмгэгтэй хүнд ихэвчлэн илэрдэг. Энэхүү өвчний шалтгаан тодорхойгүй ч синовиумын нейротрофик өөрчлөлтийн үр дүнд үений хөндийн эзэлхүүн багасч фиброз өөрчлөлт илэрдэг гэж үздэг байна.</h3><h3 class="ql-align-justify">Эмнэл зүйн хувьд 50-аас дээш насны эмэгтэйчүүдэд илэрдэг. Өвдөлт болон үений хөдөлгөөний хязгаарлалт нэг сараас хэдэн жилийн хугацаанд үргэлжилдэг. Үзлэгт хамарсан үе тэмтрэлтээр эмзэглэлтэй, хөдөлгөөний далайц хязгаарлагдсан байна. Оношлогооны алтан стандарт нь артрографийн шинжилгээ юм.</h3><h3 class="ql-align-justify">Өвчний эхлэл үед дааврын тарилга, үрэвслийн эсрэг дааврын бус эмчилгээ, физик эмчилгээ болон хөдөлгөөн хорих зэрэг нь үр дүнтэй байдаг бол хожүү үед сэргээн засах эмчилгээ нь үр дүнтэй байдаг байна.</h3>

Эмнэлзүйн тохиолдол 33

Эмнэлзүйн тохиолдол 30

Асуулт & хариулт 12

Эмнэлзүйн тохиолдол 9

Medcase

Туслах цэс

Холбоо барих