58 настай эмэгтэй, баруун мөрний үеэр өвдөнө гэсэн зовууртай. тэрээр өмнө ь ямар нэгэн гэмтэл бэртэл авч байгаагүй ба сүүлийн хэдэн сар илүү хүчтэй өвдөх болсон гэнэ. өмнө нь хэд хэдэн удаа баруун мөрний бурситээр өвдсөн ба үрэвслийн эсрэг дааврын бус эм болон дааврын тарилга зэрэг эмчилгээ үр дүнтэй байсан өгүүлэмжтэй. чихрийн шижин өвчтэй ба тогтмол метформин болон глибурид уудаг.

Үзлэгт: баруун мөр хавдаагүй тэмтрэлтээр эмзэглэлтэй байв. баруун мөрний нугалах, тэнийлгэх болон гадагшлуулах идэвхтэй болон идэвхгүй хөдөлгөөний далайц хязгаарладгсан.

Баруун мөрний рентген зураг: остеопени илэрсэн ба эрози болон остеофит зэрэг өөрчлөлтүүд илрээгүй.

Байж болох магадлалтай онош сонгоно уу?

А. Адгезив капсулит

В. Судасгүй некроз

С. Хоёр толгойт булчингийн тендинит

D. Остеоартрит

Е. Эргүүлэх манжетын урагдал

Зөв хариулт: А

Адгезив капсулит нь мөрний үений өвдөлт болон хөдөлгөөний хязгаарлалтаар илэрдэг.

Мөрний үений бусад эмгэг үгүйсгэсэн тохиолдолд, чихрийн шижин, зүрх судас болон уушгины архаг өвчин, гипо болон гипертиреоз зэрэг архаг суурь эмгэгтэй хүнд ихэвчлэн илэрдэг. Энэхүү өвчний шалтгаан тодорхойгүй ч синовиумын нейротрофик өөрчлөлтийн үр дүнд үений хөндийн эзэлхүүн багасч фиброз өөрчлөлт илэрдэг гэж үздэг байна.

Эмнэл зүйн хувьд 50-аас дээш насны эмэгтэйчүүдэд илэрдэг. Өвдөлт болон үений хөдөлгөөний хязгаарлалт нэг сараас хэдэн жилийн хугацаанд үргэлжилдэг. Үзлэгт хамарсан үе тэмтрэлтээр эмзэглэлтэй, хөдөлгөөний далайц хязгаарлагдсан байна. Оношлогооны алтан стандарт нь артрографийн шинжилгээ юм.

Өвчний эхлэл үед дааврын тарилга, үрэвслийн эсрэг дааврын бус эмчилгээ, физик эмчилгээ болон хөдөлгөөн хорих зэрэг нь үр дүнтэй байдаг бол хожүү үед сэргээн засах эмчилгээ нь үр дүнтэй байдаг байна.