74 настай эрэгтэй ар нуруу руу хүчтэй өвдөнө гэх зовиуртай үзүүлсэн. Мэдрэлийн шинж тэмдэгүүд илрээгүй. Өвчтөний түүхэнд: АДИӨ, инфраренал гол судасны цүлхэнд нээлттэй хагалгаа хийлгэсэн, бөөрний дутагдал, эцсийн шат, гемодиализ эмчилгээнд орж байгаа. КТ: Цээжний гол судасны цүлхэн, 8.1 см*11,7см, 10,11-р нурууны нугаламын эрози харагдана (Зураг A коронал зүслэг (фронтал), зураг B аксиал (хөндлөн), ба зураг C сагитал зүслэг; шар сумаар цүлхэнг, улаан сумаар эрозиг, цэнхэр сумаар нурууны нугаламыг заажээ 11). Нурууны нугаламын эрози нь графт стент суулгасаны дараа ихэвчлэн үүсдэг ба гол судасны цүлхэнгийн ховор хүндрэлүүдийн нэг юм.

Дээрх хүндрэл үүсэх механизм:  Байнгын механик даралтын шалтгаант ясны эдийн ишеми үүссэнээр ясны эдийн деструкц, лизист хүргэдэг .

Ялган оношлогоонд: Хавдар, халварын шалтгаант гэмтэлүүд. Энэ өвчтөний КТ-д дискний зай өөрчлөгдөөгүй байгаа нь халдварын шалтгаант байх магадлал багатай, массыг тойрсон нимгэн шохойн хүрээ байгаа нь гол судасны том цүлхэнг илтгэж байна (Зураг B болон C, цагаан сум).

Өвчтөний биеийн ерөнхий байдал тааруу байсан тул мэс засал хийлгээгүй. Эмийн эмчилгээ хийснээр өвчтөн дахин 3 жил амьдарсан. Нурууны өвдөлтийн сэдрэлийн үед хөнгөвчлөх эмчилгээ хийлгэж байгаад богино хугацааны дараа нас баржээ.