Хурдтай давхиж яваад авто осолд орсон хүнд цээжний рентген зураг авчээ. Ямар эрхтэн гэмтсэн байна вэ?

A.   Гол судас

B.   Өрц

C.   Улаан хоолой

D.   Зүрхний булчин

E.   Цагаан хоолой

Зөв хариулт: B. Өрц

24 настай эрэгтэй уралдааны машинтай давхиж яваад авто осолд орж түргэнээр тухайн орон нутгийн эмнэлэгт хүргэгдэж байдал тогтворжсоны дараа нисдэг тэргээр бүсийн гэмтлийн төвд хүргэгдэн иржээ. Осол болох үед суудлын бүсээ зүүсэн байжээ. Гэмтлийн эмнэлэгт хүргэгдэж ирэнгүүт шууд мэс заслын өрөө рүү оруулж гол судасны хэсэгчилсэн хөндлөн язралыг засах ажилбарт орсон. Мөн баруун талын хавирганууд хугарсан, баруун талд гемопневмоторакс үүссэн, уушгины гэмтэл, элэг 4-р зэргээр, дэлүү 2-р зэргээр няцарсан, баруун бөөр урагдсан байв. Баруун талын гемопневмотораксыг зассаны дараа цээжний рентген зураг авч шалгахад өрцний баруун тал өргөгдсөн байгаа нь гэмтлийн шалтгаантай өрц урагдсан гэхээр байв (зураг A, сумаар заав). Компьютер томографийн зураг авч шалгахад өрц урагдсан нь батлагдсан бөгөөд элэгний орой цээжний хөндийрүү түрэн орсон байв (зураг B, сумаар заав). Өвчтөнд лапаротоми хийж элгийг байранд нь буулган өрцийг сэргээн зассан. Цаашид өвчтөний биеийн байдал сайжирч 50 хоногийн дараа эмнэлгээс гарсан байна.

Эх сурвалж: https://www.nejm.org/doi/full/10.1056/nejmicm050814