36 настай эмэгтэй 2 сарын турш ханиалгаж, амьсгаадах нь ойрд улам нэмэгдэж байна гэсээр үзүүлсэн. Цээжний рентгенийг хавсаргав. Онош аль нь вэ?

A.    Уушгины цулцангийн шохойжилт (Pulmonary alveolar microlithiasis)

B.    Жижиг гуурсан хоолойн үрэвсэлт бөглөрөл болон цулцангийн үрэвсэлд хүргэдэг уушгины эмгэг (Bronchiolitis obliterans organizing pneumonia (BOOP))

C.     Уушгины хаван

D.    Шалтгаан тодорхойгүй уушгины фиброз

E.     Уушгины тархмал цус алдалт (Diffuse alveolar hemorrhage)

36 настай эмэгтэй 2 сарын турш халуурч, шөнө хөлөрч, ханиалгаж, амьсгаадах нь нэмэгдээд байна гэсээр амбулатороор үзүүлсэн. Үзлэгээр тасалгааны агаарт хүчилтөрөгчийн сатурац 88% байв. Цээжний рентген зураг дээр “элсэн шуурга мэт” бүх талбайг хамарсан тод жижиг зангилаат сүүдэр тодорхойлогдоно (Зураг A). Цээжний КТ дээр шохойжсон жижиг зангилаанууд, бүүдгэр шилний шинж (GGO) болон хөндийт өөрчлөлт илэрсэн (Зураг В). Цэрний сорьцонд сүрьеэгийн үүсгэгч (хүчилт тэсвэртэй нян бацилл) илрээгүй. Дараа нь уушгины дуран хийж эдийн шинжилгээ авч харахад шохойн талстууд илэрсэн (Зураг C, сумаар заасан). Гуурсан хоолой-цулцанг зайлах (BAL) шинжилгээгээр Mycobacterium tuberculosis эерэг гарсан. ХДХВ-н эсрэг биеийн шинжилгээ сөрөг байсан. Сүрьеэгээр хүндэрсэн уушгины цулцангийн шохойжилт гэдэг онош тавигдсан. Сүрьегийн эмчилгээг эхлүүлж 4-н долоо хоногийн дараагаас халуурах, шөнө хөлрөх, ханиалгах зовиур намжсан боловч амьсгаадах зовиур хэвээр үлдсэн. Уушги шилжүүлэн суулгах нь уушгины цулцангийн шохойжилтын цор ганц эмчилгээ боловч донорын олдоц хязгаарлагдмал байсан тул ажилбар хийгдээгүй.

Эх сурвалж: NEJM