Яаралтай титэм судсан дотуурх эмчилгээнд орсны дараа өвчтөний хөлний өнгө өөрчлөгдсөн. Аль нь тухайн өөрчлөлтийг илүү тайлбарлаж чадах вэ?

A.    Эндокардит

B.    Рейногийн үзэгдэл (Raynaud's phenomenon)

C.   Гепарины шалтгаант тромбоцитопени

D.   Тодосгогч бодисны харшил

E.    Өөхөн эмбол

72 настай эрэгтэй цээжний тогтворгүй бахын зовиур илэрсэн тул яаралтайгаар ангиопласти хийж баруун титэм судсан дахь бөглөрлийг нээж стент тавьсан. Ажилбар хийснээс 12 цагийн дараа өвчтөний хөл хөхөрч эрээнтэн (livedo reticularis-улаан хөх өнгийн сүлжээ хэлбэрийн өөрчлөлтөөр илэрдэг арьсны шинж тэмдэг) мөн хөлний хуруунууд хөхөлбөр өнгөтэй болсон (Зураг А, Б). Явцын шинжилгээнд креатинин 1.5 мг/дл –ээс (135 μmol/l) 3.1 мг/дл (276 μmol/l) болж илэрхий өссөн, эозинофил 7.4 хувь, хэт авиан шинжилгээгээр бөөрний хэлбэр хэмжээ, бүтэц хэвийн байв. Өөхөн эмбол гэх онош тавигдсан. Өвчтөн ямар нэгэн хүндрэлгүй сайжирсан. 

Эх сурвалж: NEJM Image challenge