35 настай эрэгтэй 6 сарын өмнөөс баруун шилбэ хавагнаж хаван сүүлийн үед нэмэгдээд байна гэсээр эмнэлэгт ханджээ. Бодит үзлэгээр баруун шилбэний булчин хатуурсан, тэмтэрч дарж үзэхэд эмзэглэлгүй байв. Тухайн хэсгийн MRI хийхэд олон тооны уйланхайт өөрчлөлтүүд илэрчээ. Онош аль нь вэ?

A.    Липома

B.    Эхинококкын уйланхайнууд

C.   Арьсны өөхны уйланхайт өөрчлөлтүүд

D.   Үсэрхийлсэн саркома

E.    Ганглион уйланхайнууд

35 настай эрэгтэй 6 сарын өмнөөс баруун шилбэ хавагнаж хаван нь сүүлийн үед нэмэгдээд байна гэсэн шалтгаанаар ирж үзүүлсэн. Бодит үзлэгээр баруун шилбэний булчин хатуурсан, тэмтэрч дарж үзэхэд эмзэглэл байхгүй, халуун биш байв (Зураг А). Баруун шилбэний хэсгийн MRI зурган дээр дотроо олон тооны жижиг уйланхайнуудтай ойролцоогоор 19.2см*12.4см*9.8см хэмжээтэй үүсгэвэр тодорхойлогдов (Зураг В С). Цээж болон хэвлийн КТ хийхэд уйланхайт өөрчлөлтүүд илрээгүй. Уйланхайн харагдах байдал нь эхинококкын уйланхайтай төстэй байсан тул энзим-хамааралт иммуносорбентийн шинжилгээ хийхэд эхинококкын эсрэг бие эерэг гарсан. Эхинококкын уйланхай буюу эхинококкоз нь эхинококкын туузан хорхойгоор үүсгэгддэг. Тухайн өвчтөнд перицистэктоми хийхээс өмнө 7 хоног албендазол уулгасан. Шинжилгээгээр Echinococcus granulosus-н халдвар байгаа нь батлагдсан. Хагалгаа амжилттай болсоны дараа албендазолыг дахин 3 долоо хоног уухаар зөвлөсөн. Эмчилгээний дараа давтан үзлэгт зовиур шинж тэмдэг дахиж илрээгүй.

Эх сурвалж: NEJM Image challenge