50 настай эмэгтэй 170 см өндөр, 83.9 кг жинтэй. Чихрийн шижингийн удамшлын өгүүлэмжтэй. Захын судсанд өлөн үеийн сахарыг 2 удаа үзэхэд 160мг/дл, 155мг/дл байсан. Глюкозжсон гемоглобулин (HbA1c) -7,9%. Чихрийн шижингийн хоолны сургалт, зөвлөгөө өгөөд давтан үзлэгийг 8 долоо хоногийн дараа товлосон. Хэдий чихрийн шижингийн хоолны дэглэм, дасгал хөдөлгөөний зөвлөмжийг сайн баримталсан ч өлөн үеийн сахар 140-150 мг/дл-н хооронд, глюкозжсон гемоглобулин 7,7%-тай хэвээр байв. Түүнд ямар нэгэн зовиур байхгүй бөгөөд үзлэгээр эмгэг өөрчлөлтүүд илрээгүй.

Дараагийн эмчилгээний алхам аль нь вэ?

. Тиазолидиндион (пиоглитазон)

B. Дипептидил пептидаз-4 хориглогч (ситаглиптин)

C. Инсулин гларжин оройд тарих

D. Метформин

E. Глюкагон төст пептид-1 рецепторын агонист

Зөв хариулт: D

Чихрийн шижинг цусан дахь сахар өсөж байгаа механизмуудаар нь ангилдаг. 2-р хэлбэрийн чихрийн шижин нь инсулины дөжрөл, инсулины ялгаралт буурах, гюкозын үйлдвэрлэл нэмэгдэх зэрэг бүлэг эмгэгүүдээр тодорхойлогддог. Энэ тохиолдолд 2-р хэлбэрийн ЧШ-тэй өвчтөнд эхний эмчилгээ болох хоол тэжээлийн эмчилгээг сонгосон боловч глюкозжсон гемоглобулин 7% -с бага байх зорилтот түвшинд хүрч чадаагүй. Эмчилгээний хоол тэжээлийг илчлэг тооцох, жин хасах зэрэгт илүүтэй ашигладаг байсан бол сүүлийн үед артерийн гипертензи, дислипидемийн эрсдлийг бууруулахад ач холбогдолтой гэж үзэх болсон. Цусан дах сахарын хяналтыг 4-6 долоо хоногийн дараа үнэлж, зорилтот түвшинд хүрээгүй тохиолдолд дараагийн эмчилгээг эхлүүлнэ. Метформин нь жин бууруулахад бага зэрэг нөлөөлдөг, үр дүнтэй, гаж нөлөө багатай, хямд өртөгтэй эмчилгээний эхний сонголтын эм юм. Бусад /а,b,с,е/ зэрэг нь хоёр дугаар сонголтын эмнүүд бөгөөд хавсарсан эмчилгээнд зөвлөгддөг.