76 настай эрэгтэй томуугаар өвдсөний дараа булчингууд нилэнхийдээ хөндүүрлэж, бие сулраад байгаа тул үзүүлэхээр яаралтай тусламжийн тасагт иржээ. Тэрээр остеоартритын өвдөлтөд ибуфропен, гиперхолестролемитэй тул ловастатин уудаг. Үзлэгээр АД 130/90 ммМУБ, байршилтай холбоотой артерийн даралтын өөрчлөлт байхгүй, зөвхөн булчингууд нилэнхийдээ хөндүүр байв.

Шинжилгээнд:

Шээг: 30 мг/дл

Креатинин: 6 мг/дл

Kали: 6.0 мЭк/л

Шээсний хүчил: 18 мг/дл

Кальци: 6.5 мг/дл

Po4: 7.5 мг/дл

Шээсний ерөнхий шинжилгээнд: цус их хэмжээтэй, уураг 2+ байв. Микроскопоор харахад шаварлаг бор өнгөтэй бортогон хэлбэрийн тундас (muddy brown casts), 0-2 улаан эс/харах талбайд байв.

(цусны улаан эс / өндөр чадлын талбар).

Онош аль нь вэ?

а. Дааврын бус үрэвслийн эсрэг эмийн шалтгаант бөөрний цочмог гэмтэл (AKI)

b. Эргэлдэх цусны эзлэхүүн багасах

c. Булчин задрал (Рабдомиолиз)-ын шалтгаантай бөөрний цочмог гэмтэл

d. Шээсний замын саад

e. Гипертензийн нефросклероз

Зөв хариулт: С

Рабдомиолизийн шалтгаант бөөрний цочмог гэмтлийн үед булчингийн эсүүд задарч доторх бүрэлдэхүүнүүд цусанд орсноор гиперкалиеми, гиперфосфатеми, гиперурикеми зэргийг үүсгэдэг. Фосфор ихсэх нь гипокальциеми үүсгэдэг. Задарсан булчингаас үүсдэг креатин цаашид креатинин болж хувирснаар хэвийн үед 10/1 байдаг шээг/креатинины харьцаа багасдаг. Гэмтсэн бөөрөөр ихэссэн креатинин шээгнээс илүү ялгарч гадагшилдаг ч уг харьцаанд илэрхий нөлөөлөхүйц биш байдаг.

Шээсний дүрлэг (dipstick) шинжилгээнд "цус" илэрсэн нь миоглобинурийн шалтгаантай байх. Дүрлэг шинжилгээ нь цусны улаан эс, гемоглобин (судсан доторх цус задрал), миоглобин зэрэгт бүгдэд нь "цус"-тай ижил өнгө нь хувирдаг. Гэмтэл, эмүүд (ялангуяа статин), халдварууд процессууд (томуу, үжил), булчингийн хэт ачаалал (таталт, нарших) зэрэг нь булчин задрах гол шалтгаанууд болдог.

Бүх дааврын бус үрэвслийн эсрэг эмүүд бөөрний үйл ажиллагааг доройтуулдаг. Энэ нь ихэвчлэн цусны урсгал багасдагтай холбоотой ба цөөн тохиолдолд эмийн шалтгаант завсрын эдийн нефрит болдог. Тухайн тохиолдлын лабораторийн шинжилгээний өөрчлөлтүүд цусны урсгал багассан эсвэл завсрын эдийн нефрит болсон гэхээргүй байна. Гэхдээ л ибупрофенийг зогсоох нь зөв.

Ортостатик гипотензи илрээгүй учраас эзлэхүүн багассан гэхээргүй, дээр нь бөөрний өмнөх азотемийн үед шээг/креатинины харьцаа ихэвчлэн нэмэгддэг.

Өвчний түүх, бодит үзлэг, шинжилгээнд илэрсэн эрдсийн өөрчлөлтүүд зэргээс шээсний замын саад байгаа гэж үзэхээргүй байна.

Гэхдээ 76 настай эрэгтэй хүнд ямар нэгэн саад байгаа эсэхийг үгүйсгэх зорилгоор хэт авиан шинжилгээ хийхэд илүүдэхгүй.

Гипертензийн нефросклероз бөөрийг цочмог гэмтээх бус архаг дутагдалд хүргэдэг ба энэ үед эрдсүүд өөрчлөгдөөд байдаггүй.