Чихрийн шижинтэй 60 настай эмэгтэйд титмийн эмгэг байгаа эсэхийг үнэлэхээр ангиографийн шинжилгээ хийхээр болсон. Түүний креатинин 2.2 mg/dL байв. Тодосгогч бодисын шалтгаант нефропати үүсэхээс сэргийлэх үр дүнтэй арга аль нь вэ?

A. Ажилбарын дараа даруй Маннитол тарина.

B. Ажилбарын дараа шууд гемодиализ хийнэ.

C. Ажилбарын өмнө болон дараа 0.9% давсны уусмал эсвэл натрийн бикарбонатыг судсаар хийнэ.

D. Ажилбар хийх өглөө индометацин 25 мг уулгана.

E. Ажилбарын өмнө ба дараа допаминыг шахуургаар хийнэ.

Зөв хариулт: C

Тодосгогч бодисууд хүчилтөрөгчийн радикалууд үүсгэж, судас нарийсгаснаар бөөрийг цочмогоор гэмтээдэг. Суурь бөөрний өвчтэй, чихрийн шижинтэй, зүрхний архаг дутагдалтай, түгмэл миеломтой, шингэн алдсан өвчтөнүүд хүндрэх эрсдэлтэй. Судсаар 0.9%-ийн давсны уусмал эсвэл бикарбонатыг шинжилгээний өмнө хийвэл тодосгогчийн шалтгаант нефропати үүсэхийг бууруулдаг нь батлагдсан. N-ацетилцистеиныг зарим эмч нар тодосгогчийн шалтгаант нефропати үүсэхээс сэргийлдэг гэж үзэн хэрэглэдэг ч 0.9%-ийн давсны уусмал болон бикарбонат судсаар хийхээс үр дүнтэй гэсэн судалгаа байхгүй. Маннитол, допамин, шинжилгээний дараа шууд гемодиализ хийх зэргийг судалсан боловч тодосгогчийн шалтгаант нефропати үүсэхээс сэргийлдэг гэсэн баталгаа байхгүй. Индометацин судас агшаадаг тул байдлыг улам дордуулах тул бөөрний дутагдалтай өвчтөнүүдэд цээртэй.