55 настай цагаан арьстай эмэгтэй хэд хэдэн удаа архины шалтгаантай нойр булчирхайн үрэвслээр өвдөж байсан. Архи уухаа больсон хэдий ч хоол идсэний дараа хэвлийгээр өвдөнө, гэдэс дүүрч цанхайна, хоол сайн идэж байгаа ч турж байгаа, өтгөн их хэмжээтэй, муухай үнэртэй гарч байгаа гэнэ. Хэвлийн тойм Рентген зураг авч харахад нойр булчирхай шохойжсон харагдсан.

Тухайн өвчтөнд аль нь илрэх боломжтой вэ?

A. Чихрийн шижин

B. Тосонд уусдаг Д болон К аминдэмүүдийн шимэгдэлтийн алдагдал /malabsorption/

C. Өтгөнд далд цус үзэх сорил эерэг байх

D. Курвозерын шинж илрэх /Couvoisier sign/

E. Амилазын хэмжээ илэрхий ихсэх

Зөв хариулт: А

Удаа дараалан нойр булчирхайн цочмог үрэвслээр өвдвөл нойр булчирхай гэмтэж үрэвсэл архаг хэлбэрт шилждэг. Нойр булчирхайн архаг үрэвслийн сонгомол гурвал шинжид: хэвлийн өвдөлт, малабсорбци, чихрийн шижин багтдаг. Хэвлийн тойм зурагт нойр булчирхай шохойжсон харагдах нь их. Нийт тохиолдлуудын 25% нь шалтгаан тодорхойгүй байж болдог. Д болон К аминдэмүүд липазын нөлөөгүйгээр гэдсэнд шимэгддэг тул нойр булчирхайн дутагдлын үед ч шимэгдэлт хэвийн явагддаг. Харин өвчтөнүүдийн 40% нь В12 аминдэмийн дутагдалд өртөж болдог. Малабсорбцийг нойр булчирхайн энзим нөхөх замаар эмчилж өвчтөнийг тэнхрүүлж болох ч хэвлийн өвдөлтийг намдааж чадахгүй. Курвозер шинж /Couvoisier sign/ гэдэг нь арьс салст шарласан өвчтөнүүдэд цөсний хүүдий тэмрэгдэхүйц томорсон, эмзэглэлгүй байхыг хэлдэг. Энэхүү шинж нь хавдар тэр дундаа нойр булчирхайн хавдрын үед голдуу илэрдэг. Архаг нойр булчирхайн үрэвслийн үед өтгөнөөр цус гарахгүй мөн сийвэнд амилаза хэвийн хэмжээнд байдаг