Эрчимт эмчилгээний тасагт 72 настай эмэгтэй зүрх-амьсгал зогслоо гэсний дагуу та яаралтай тусламж үзүүлэхээр гүйн очлоо. Захад судасны лугшилт тэмтрэгдэхгүй ч кардиомониторт синусийн тахикарди (1 минутанд 124 удаа) харагдав. Хүчилтөрөгч холбосон ууттай Амбугаар амьсгалуулж байхад амьсгал хоёр талдаа жигд сонсогдож байлаа.

Хамгийн оновчтой дараагийн алхам юу вэ?

A. Яаралтай цахилгаан кардиоверси хийх

B. Яаралтай цээжний гаднаас зүрхний цохилтыг удирдах (Immediate transthoracic cardiac pacing)

C. Яаралтай ахиухан шингэн урсгах

D. Яаралтай томхон зүүгээр перикардиоцентез хийх

E. Яаралтай өргөн хүрээний антибиотик эхлүүлэх

Зөв хариулт: С

Пульсгүй цахилгаан идэвхжил (ПЦИ) нь эмнэлэгт зүрх-амьсгал зогсох түгээмэл шалтгаануудын нэг юм. ПЦИ-н шалтгаанууд ерөнхийдөө засрах боломжтой байдаг ба эдгээрт гиповолеми, гипокси, гиперкалеми, хүнд хэлбэрийн ацидоз,уушгины тромбэмбол, зүрхний тампонад, шахсан пневмоторакс багтана. Зүүн ховдлын дүүрэлт багасах (гиповолеми, уушгины эмболизм, зүрхний тампонад, шахсан пневмоторакс) эсвэл ашиггүй цахилгаан дамжуулалт (electromechanical dissociation) (гипокси, гиперкалиеми, хүнд хэлбэрийн ацидоз)-аас зүрхний гаргалт доголддог. ПЦИ -ийн үед цаг алдалгүй судасны хүрцийг бэлдэж, амьсгалын замыг чөлөөлж, судсаар шингэн хийх хэрэгтэй. Үзлэг хяналтыг засагдах боломжтой шалтгаануудад түлгуурлан хийнэ. Синусын хэмтэй байгаа тохиолдолд цахилгаан кардиоверси хийхгүй. Мөн цээжний гаднаас зүрхний цохилтыг удирдах төхөөрөмж байрлуулах нь хүнд хэлбэрийн брадикарди биш л бол тус болохгүй. Зүрхний тампонад гэнэт үүсэх нь ховор боловч үүссэн байж болохоор үед (албадмал байрлал, гүрээний вен өргөсөх, ЗЦБ-т шүдүүд далайц багатай бичигдэх) перикардиоцентезийн шаардалаг гарч болох юм. Шингэн урсгах нь үр дүнтэй бөгөөд яаралтай хялбар хийх боломжтой арга хэмжээ юм. Хэрвээ үжил сэжиглэх үед өргөн хүрээний антибиотик заалттай хэдий ч антибиотик хэрэглэж эхэлснээр шууд зүрх-амьсгалыг тэр даруй сэргээх боломжгүй.