Титэм судасны эмгэгтэй 58 настай эрэгтэй яаралтай тусламжийн тасагт 1 хоногийн турш тайван үед үе үе цээжээр өвдөнө гэсэн зовууртай ирэв. Ирсэн даруйд өвдөлтгүй байх үед нь зүрхний цахилгаан бичлэг хийж шалгав. Доорх зүрхний цахилгаан бичлэгтэй аль титмийн артерийн гэмтэл илүү тохирох вэ?

А. Баруун титмийн артер (Right coronary artery)

В. Зүүн тойрох салаа (Left circumflex artery)

С.Зүүн титмийн артер (Left coronary arter)

D. Арын уруудах артер (Posterior descending artery)

E. Зүүн титмийн артерийн ховдол хоорондын уруудах салаа (Left anterior descending artery)

Зөв хариулт: Е

Зөв хариулт нь зүүн титмийн артерийн ховдол хоорондын уруудах салааны гэмтэл.

Доорх зүрхний цахилгаан бичлэг Велленс хам шинжийг илтгэж байна. Энэ нь зүүн титмийн артерийн ховдол хоорондын уруудах салааны аюултай нарийслын үед цээжний холболтууд тэр дундаа V1, V2 дээр бифазтай эсвэл гүнзгий сөрөг Т шүдний өөрчлөлтөөр илэрдэг өвөрмөц шинж юм. Үзлэг хийснээс хойш удалгүй өвчтөний цээжээр өвдөж эхлэв. Яаралтай журмаар титэм судсан дотуурх оношилгоо хийж зүүн титмийн артерийн ховдол хоорондын уруудах салааны проксимал хэсгийн бөглөрлийг илрүүлэв.

Велленсийн хам шинжийг 1980-аад оны эхээр де Зваан, Велленс болон түүний хамтрагчид анх тодорхойлсон. Цээжний холболтууд дээр Т шүдний өвөрмөц өөрчлөлтүүдтэй цээжний тогтворгүй бахтай өвчтөнүүдийн тодорхой хэсэгт том хэмжээний урд ханын зүрхний шигдээс үүсч байгааг судалсан байна.