Америкийн цээжний хөндийн эмч нарын коллежын ACCP (American College of Chest Physicians) гаргасан мэс засал болон ажилбарын өмнөх цус бүлэгнэлтийн эсрэг эмчилгээний заавар

Tүлхүүр ойлголтууд:

1. Витамин К-ийн антагонист (ВKA, жишээлбэл, варфарин) хэрэглэж байгаа болон мэс заслын өмнө ВKA-г зогсоох шаардлагатай өвчтөнүүдэд:

• Хагалгаанаас ≥ 5 хоногийн өмнө ВKA-г зогсоож, мэс заслаас хойш 24 цагийн дараа ВKA-г дахин эхлүүлнэ.

• Тосгуурын жирвэгнээ, венийн тромбоэмболизм, зүрхний механик хавхлагын улмаас ВKA хэрэглэж байгаа болон тромбоэмболизм үүсэх эрсдэл бага-дунд зэргийн эрсдэлтэй өвчтөнүүдэд гепарин эмчилгээг түр орлуулж хэрэглэх (bridging эмчилгээ) хэрэггүй. Тромбоэмболизм үүсэх өндөр зэргийн эрсдэлтэй өвчтөнүүдэд гепарин эмчилгээг түр орлуулж хэрэглэх (bridging) талаар авч үзэх хэрэгтэй.

• Жижиг ажилбаруудын хувьд - шүд, арьс, нүд, зүрхний аппарат суулгах, полипэктоми ажилбар хийх болон ажилбар хийхгүй колоноскопи - ВKA-г үргэлжлүүлэхийг зөвлөж байна; Хэсэг газрын цус тогтоогч бодисыг (жишээлбэл, транексамины хүчил) зохих нөхцөлд ашиглах ёстой.

2. Хагалгааны өмнө антикоагулянт эмчилгээнд гепарин эмчилгээг түр орлуулж (bridging) хэрэглэх шаардлагатай өвчтөнүүдэд:

• Мэс засал хийхээс 4 цагийн өмнө гепарин (UFH) судсаар тарихаа зогсоож, мэс заслын дараа ≥24 цагийн дараа дахин эхлүүлнэ.

• Мэс засал хийхээс 24 цагийн өмнө сүүлийн тунгаар бага молекул жинтэй гепариныг (LMWH) зогсоох; Мэс засал, ажилбарын дараа бага молекул жинтэй гепариныг (LMWH) -ийг ≥24 цагийн дараа үргэлжлүүлнэ.

3. Ха факторын шууд хориглогч антикоагулянт (DOAC) хэрэглэж байгаа өвчтөнүүдэд:

• Өвчтөний эрсдэлт хүчин зүйл (жишээлбэл, бөөрний архаг өвчин), өвчтөн бүрийн цус алдах эрсдэл, мэс заслын эсвэл ажилбарын цус алдалтын эрсдэлд үндэслэн DOAC-ийг мэс засал эсвэл ажилбараас 1- 4 хоногийн өмнө зогсоож, мэс засал эсвэл ажилбарaas хойш 24-72 цагийн дараа үргэлжлүүлнэ.

4. Антиагрегант эм хэрэглэж байгаа өвчтөнүүдэд:

• Зүрхний бус мэс засал хийлгэх тохиолдолд шаардлагатай өвчтөнд хагалгааны өмнө ч аспириныг үргэлжлүүлэх хэрэгтэй. Хэрэв эмч аспириныг зогсоох шаардлагатай гэж үзвэл мэс засал хийлгэхээс ≤7 хоногийн өмнө зогсоох хэрэгтэй.

• Хагалгааны өмнө P2Y12 хориглогчийг зогсоох нь эм тус бүрт өөр өөр байдаг. (жишээлбэл, клопидогрел 5 хоног; тикагрелор 3-5 хоног; прасугрел 7 хоног). Мэс засал хийснээс хойш ≤24 цагийн дараа эмийг дахин эхлүүлнэ.

• Жижиг ажилбаруудын хувьд (жишээ нь, шүд, арьс, нүдний эмчилгээ) дан антиагрегант эм хэрэглэж байгаа тохиолдолд шаардлагатай өвчтөнд хагалгааны өмнө ч аспириныг үргэлжлүүлэх хэрэгтэй. Харин дуал антиагрегант эм хэрэглэж байгаа өвчтөнүүд аспириныг үргэлжлүүлж, P2Y12 дарангуйлагчийг зогсоох.

Эх сурвалж: https://www.jwatch.org/na55564/2022/11/23/chest-perioperative-guidelines-antithrombotic-therapy?ijkey=upJ-cIcKg&fbclid=IwAR0sODkPqG6SEyePWK-9Zr1Gw7chX2uogbnTkiZb3hOBL68C9gbALJq_l6I